簡單講 : 邊做邊學。
第一步當然喺身為父母嘅先做好自己啦~ 由小事做起 , 其實好容易~
最 basic 垃圾分類 r ,用LED/慳電膽 r ( LED燈有幾值得嘅技資 ? )，購買天然清潔用品。俾你嘅小朋友知道點解你要咁做,作用喺乜o野，當佢o地大個咗就會成為有環保意識嘅成年人啦~
由貼身嘅日常生活習慣開始
由同佢o地有貼身關系嘅日常生活開始著手,令佢哋有實踐嘅機會 e.g. 如刷牙時關閉水龍頭 ; 離開房間時熄燈，用陽光∕自然風吹乾 D 衣物而唔喺用乾衣機。
記得3個 R
Reduce 減少 ; Reuse 重用 ; Recycle 循環再做
Reuse往往可以幫你 Reduce , 減少嘅唔止喺垃圾/資源,對大多數人嚟講更重要嘅喺減少浪費嘅金錢。e.g. Reuse 購物袋可以 Reduce 膠袋 ; Reuse毛巾可以 Reduce紙巾。Recycle 喺3個R入面最消極嘅 , 因為佢只喺一種浪費後嘅補救方法。
加多一個 U
喺Recycle之前其實仲可以先考慮呢個 U : Upcycle
喺將"無用"嘅o野變成另一樣有用嘅o野。可以同小朋友一齊造 , 有教育意議之餘又可以 train up 佢哋嘅腦筋同雙手,又可以親子。 e.g. 5 個 upcycle 舊床單嘅 ideas ; 5 steps DIY 雜誌杯墊 ; 5 個upcycle T恤方法 ; Upcycle 寵物用品 ; 10 個 upcycle ideas : 吊燈 ; 10個 upcycle ideas : 凳
etc.
click 右邊下面 "DIY" 有更多 ideas , 會不定時更新 -->
親親大自然
明白大自然嘅可愛,愛上大自然,小朋友就自然想珍惜佢 , 明白點解要尊重環境。
除咗去動植物公園、濕地公園、郊外、海灘、公園玩、植樹 (2013聯合國國際百萬森林計劃 2013 年 04 月 21 日舉行 ) ; 仲可以租塊田一齊有機耕種 , 唔單止親子、有健康嘅有機菜可以食、仲可以教識小朋友珍惜食物唔好浪費。
source : sustainablog , greener frog
source of photo : stock.xchng
