糙米唔單止健康D,仲環保D。乜糙米除咗硬 D 同白米仲有其他分別咩? 人人都話糙米健康D , 咁點健康法?又點解食糙米會環保D?
水稻收割之後通過礱谷機/剝皮機去除外層, out put 就喺糙米。
要有白米就要將糙米進一步加工，用葡萄糖或滑石將穀物胚芽同內稻殼（麩皮）去除，然後拋光。
呢D額外嘅步驟，將糙米嘅營養物質清除，e.g.維他命E，硫胺素，核黃素，菸酸，維他命B6，葉酸，鉀，鎂，鐵，膳食纖維(白米膳食纖維只有糙米四分之一左右) etc.「白痴」嘅事發生啦 , 有D生產商會人工咁加返部份營養物質落白米度,呢D就喺所謂嘅強化白米飯。
因此，從營養方面糙米肯定健康 D。糙米生產過程所需 step 少D, 亦唔需要化學劑所需能量亦少D ,自然環境效益方面亦高D。
如果你習慣食白米想轉食糙米，可先 mix1/4糙米同 3/4白米慢慢習慣之後再加多D糙米嘅比例。不過,糙米要煮熟嘅時間比白米長，所以如果要 mix 白米嘅話應該先浸一浸D糙米,等佢吸多D水先 , 先至加白米,落水時比剩白米落少DD水,再同煲白米嘅 mode 煲飯就得啦~ 糙米除咗好似白米咁食之外,仲可以變成唔同菜色 , 例如下面嘅食譜 :
茶熏鴨胸配大蝦沙津
材料 :
鴨胸連皮
鹽
新鮮黑胡椒
150g/5oz糙米
150g/5oz棕糖
100g/ 3½ oz大吉嶺葉茶
6隻大蝦
4Tbsp 葵花子/花生油/olive oil
1-2tsp鮮榨檸檬汁
100g / 3½ oz混合苦葉 (即沙津葉)
製備方法
大蝦去殼煎熟 , 放入雪櫃
用刀尖喺鴨片上打交叉界菱形 , 唔好切到D肉。灑上少少鹽&新鮮黑胡椒調味。
喺個 wok 裏放錫紙 , 將糙米，糖，茶葉混合散喺錫紙上面 (我會加埋幾片薄切嘅橙/一隻開半青檸 + 一兩粒八角) , 放一個架 or 4 隻濕嘅竹筷喺中間 , 中細火加熱直至混合物開始出煙（注意：會產生大量煙霧，打開門窗保持通風）。將鴨胸放上個架度 , com 蓋轉細火焗,如果中途太大煙就熄火 1 - 2 mins 再開火但唔好開蓋。焗18-20分鐘 / 直到隻鴨熟，但中間仍然有輕微的粉紅色。關火等冷卻。
鴨胸冷卻後 , 燒熱煎鍋 , 皮向下放舊鴨落去中高火煎至金黃 (~4-6 mins) , 反轉煎多 3- 4 mins。
大蝦 + 油+檸檬汁+適量鹽&新鮮黑胡椒+苦葉 mix 上碟 , 鴨胸放上面∕旁邊, DONE!
source: green living tips , BBC
source of photo :
