Friday 10 August 2012
環保旅遊 : 旅途中
環保旅遊指嘅除咗旅客喺當地造成嘅環境影響,仲包含旅客對當地人民文化、經濟及當地對旅
客嘅影響。
聘請當地導遊
可以豐富旅行體驗,並確保行程嘅安全,不防抽一日半日參加當地 local tour /喺D大嘅境點顧用o個境點嘅導遊 (通常發展中/東南亞國家都有)。佢哋會帶你講解一D連旅遊指南都冇嘅故事俾你知。除此以外,你仲可以透過了解你嘅導遊作一個簡單嘅文化交流。
喺當地旅遊局、背包客棧、lonely planet 等 websites 都會找到 D 較可靠嘅 local tour 公司提供一D一兩日/半日嘅 tour , 而境點 tour guild 就喺返境點顧用。
如果無乜時間做 research , 可以喺當地機場嘅旅遊公司櫃檯得到資料。
支持地方經濟
要買手信嘅話買當地特產/手工藝品。買工藝品時小心D唔好一味貪平,因為好平嘅好多都喺廠造 , 意味可能喺 made in China ...... 即喺分分鐘可以喺淘X以更平嘅價$淘到之餘對當地低下階層冇乜幫助。
真正嘅手工造嘅工藝品喺唔會件件一樣,因為人唔喺機器,即使個款一樣 , 細節 (筆觸 / tool mark / 針步) 點都會有 D 分別 , 而且同一件物件上出現嘅細節唔會一模一樣。
買木製品時要問清楚,唔好買古木 / 來自瀕危森林 e.g. 柚木嘅成品 ; 買動物製品亦要小心 , 袋鼠、牛、羊、豬等起碼全部身體部份都會用嚟做製品 /供食用,但喺兔仔、魔鬼魚、鱷魚等碌皮同時供食嘅有幾多呢 (尤其廠製)? 唸真 D 買呢 D 製品同著皮草其實無乜分別 , 即使佢哋唔喺涉危動物都一樣生命&情感 , 唔應該濫殺。最好都喺唔好買。
講價時要睇場合 , 唔下下好似去街市啱,擺地攤嘅同開舖嘅唔同 , 當地擺得地攤嘅生活環境唔會好得去邊,分分鐘喺餐"溫"餐食 , 俾一個合理價$除咗尊重對方亦尊重自己。
應唔應該參觀自然保護區?
陸地&海洋保護區佔地球表面12.65%,11.5%喺土地,其餘喺水(資料來源:2003年聯合國保護區名單)。通常自然保護區都有人數限制,所以循正常途徑參觀,參觀時守規矩,唔好追逐、騷擾或飼料野生動物 ; 除咗腳毛之外唔好留低任何o野亦唔好破壞/拎走任何o野。
環保酒店
水嘅使用:據2008年國際進行可持續旅遊(STI)研究 , 傳統酒店每日均使用約218加侖水,而美國人平均每日使用70加侖 ; 撒哈拉以南非洲地區,平均每人每日使用2.6 - 5.26加侖 , 簡單講 , 傳統酒店浪費食水。因為客人用水一般不理後果即使喺缺水地方佢地都可以自由用水。度假村游泳池 & 高爾夫球場經常消耗甚至污染水資源 ; 平均18洞高爾夫球場每日就要用525,000加侖的水。同酒店講唔需要日日換床單毛巾都可以算喺為環保出一分力。
民宿 ∕ local brand / 民營酒店 / Hostel
住民宿平D之餘,資源上無咁浪費亦可以幫到 local 人經濟,更可以有化交流一舉多得! (雖然個人去過一個北京四合院民宿覺得佢D o野呃鬼佬 , 但起碼有地道北京早餐食~ )
唔好以為靚酒店一定要喺大 brand / 國際級/好貴 , no ~ local / 民營酒店都分好多級數 , 而最重要喺呢D酒店都咗一陣人情味 , 而且佢哋會知道當地/當區特色喺咩 , 識得真正咁融入佢哋嘅酒店裏面, 呢D都喺公式化嘅國際酒店做唔到。
住 hostel 不防自己煮返一餐半餐乘機行下人哋D街巿/超市 , 會見到好多意想不到嘅 o野! 仲可以籍住食物認識 hostel 裏來自唔同國家/地方嘅人!
倫理餐飲
選擇當地食物&當地食肆,唔好食瀕危物種造嘅食物如香港人去日本其中一樣最鍾意食嘅大 拖羅、藍鳍吞拿 ! 因為一時口腹之欲而成為令一個物種消失嘅凶手 , 唔喺講一句「我唔食人哋都會食」就真喺唔關自己事。講呢句說話只不過喺對自己自私嘅行為同低忍耐力作掩飾 !
減少廢物
自備旅行杯、藥品 , 如果信唔過當地食水 ,可以先煲過D水先飲 , 反正 10 間酒店 9 間都有水煲。
喺餐廳喝水喉水/唔要水(歐洲好多餐廳唔 serve 水喉水 , 飲水要另外俾 $ serve 樽裝水俾你 ),如果你唔想浪費任何 package 你可以選擇喝蘇打水、汽水或純生啤。
相關文章 :
環保旅遊 : 出發前
source : Responsible Travel Report
source of photos : stock.xchng
top 5
-
今次篇文直接轉載自: 葛洛莉亞的生活沙龍 :: 痞客邦 PIXNET :: , 其實喺未經同意嘅,不過佢無話唔得,所以如果 owner 見到唔鍾意請留言,我會處理~ Thanks
-
每年,全球變暖同 氣候變化造成嘅破壞 變得越來越荒謬。 世界氣候災害不斷增加 , 亞洲開發銀行本週報告 單 喺過去 兩年就已經有 4250萬亞洲人因 氣候相關災害而流離失所。(如果跟據 UN 2010年 report , 亞太區 total 人口喺 4.2億,即...
-
當講起水污染,永遠覺得個人&家居清潔喺重要源頭。環保方法造家居清潔嘅資料唔難嫌找,但一講到個人清潔方面就硬喺找唔到我百份百滿意嘅,唔喺含化學品就喺要DIY。雖然之前有寫過 食用番梘 ,的確完全對環境無害不過要自己整又貴,始終覺得唔喺咁啱香港人&唔夠現實。不過,今...
-
成日聽人講素食好呀 , 健康D。但真喺健康D? 除咗對身體好仲有冇好處 ? 今次會講食素好與壞。 首先要識兩個 terms : Vegan- 素食主義者 & Vegetarian- 素食者 , 佢哋嘅分別喺 素食主義者唔食&用任何同動物有關嘅產品,包括乳...