依家D城巿病越來越普遍同年輕化,除咗因為少運動,飲食習慣都好有影響~
聽少油鹽糖大部份人都會覺得D食物一定會淡而無味 , no no no ~~ 少油鹽糖不但健康 , 用少少心機仲可以煮到味道濃郁嘅效果 !!
少油煮食嘅方法 :
1- 個 wok 燒熱咗先落油 , D 油 long 均 D & 燒熱咗先落料
D油唔夠熱唔只容易 chi wok , 仲會令食物吸多 D 油
2- 要煎炒炸 o野都可以用「回 wok」嘅方法迫返 D 油出嚟
3- 如果唔回 wok 就上碟前轉大火
4- 烤焗高脂肪食物時 (e.g. 雞、豬脾 etc.) 同烤架代替焗盤 , 不但全面D香脆D , 仲唔食俾迫出嚟嘅油浸住D食物
5- 如果唔喺煎炸就去皮先煮
6- 如果有高脂嘅材料,先乾煎過佢哋迫咁D油出嚟(甚至出水)。倒咁 / 咗D油 , 用 wok 上剩低嘅油煮食 e.g. 日式炒麵先煎好D煙肉再炒洋蔥同椰菜, wok 上嘅油被D菜吸乾先將煙肉回 wok 再落麵同調味料 , 一滴油都唔洗落
代替用油嘅方法 :
1- 令食物香脆可以用烤焗代替煎炸
2- 用水/空氣炸鍋代替油炸
3- 炒滑蛋可以用奶代替部份油
4- 好多人為咗蒸雞滑D會 yip 雞時加D油 , 可以先去皮 & 用橄欖油代替
少鹽糖嘅方法 (材料嘅選擇) :
1- 用乾貨 e.g. 乾冬菇、乾羅漢果、乾蜜棗、乾瑤柱、茄乾、椰絲 etc.
乾貨嘅味道一般都會比新鮮嘅香D ∕ 濃味D , 不防用呢D材料提味
2- 乾瑤柱、蝦乾、日月魚 etc. 海鮮類乾貨本身帶有海水嘅咸味,可以鹽都唔洗落
3- 用濃味嘅天然食材配答淡味 / 無 yip 過嘅材料 , e.g. 蝦膠釀豆腐 (蝦入面加入蝦乾,乜調味都唔洗再落)、車厘茄羅勒意粉 (車厘茄+羅勒+橄欖油+兩粒鹽同黑椒碎)、藥膳蒸雞 (花旗參+冬菇+紅棗+雞)
4- 落蜜棗、紅棗、蜂蜜 (真嘅蜂蜜帶有微酸,要離 wok之後落) ∕ 楓糖代替糖
5- 用帶甜味食材做配料代替落糖 e.g. 甘荀、蘋果、紅菜頭、甜椒、椰菜、粟米 、紅腰豆 etc.
6- 少食yip製食物 , DIY 除外
少鹽糖嘅方法 (準備材料) :
1- 可以用香草&香料提昇食物味道&香味
香草&香料好味之外,好多都有藥用價值, e.g. 荷蘭芹(parsley) 對腸胃有益 ; 薑黃(turmeric)預防老人痴呆
2- yip 肉時用生粉可以令食物容易入味 , 咁就可以落少D調味料都夠味啦!
3- yip 肉用長D時間就可以用少少調味料都夠濃味~
4- 煮食前可以輕輕用水沖洗 yip好嘅肉嘅表面,去除多餘 yip 料
5- 用蔬果/鮮果汁(唔好用現成o個D , 好高糖份!) yip 肉 , 落幾粒鹽就夠啦~ 唔單止令D肉淋滑,仲令D肉帶有蔬果嘅清新同甜味 , yip 過肉嘅蔬果 e.g. 甘荀、蘋果、西芹、橙、檸檬、蔥、洋蔥、紅菜頭、甜椒、蕃茄 etc.仲可以用埋嚟煮餸/煮汁
6- 選擇低鹽調味料 e.g. 減咸鼓油、頭抽(連糖都可以落少D) etc.
少鹽糖嘅方法 (煮) :
1- 用香草&香料調味 , 咖喱喺最簡單嘅例子
2- 先用薑 / 蔥 / 蒜 / 洋蔥起 wok
3- 要好濃味嘅食物,提前一日煮淡少少 & 煮至啱啱好熟 , D食物經過一晚會變得濃味D , 第二日返熱食就會好夠味~
4- 用焗爐焗過嘅食物都會變得濃味 , e.g. 煮好嘅燴意粉焗一焗都會濃味 D
5- 濃味食物放喺淡味食物上蒸 / 煎 / 烤 / 焗 / 上碟 , D汁∕味道會被放喺下面嘅食材吸收。下面嘅食材甚至可以唔洗 yip
6- 可以利用溫差令食味吸收多D味,減少/減省 yip 料 i.e. 甜酸魚塊為例:先煎好D魚攤凍,再煮沸D汁先放D魚入D汁度 or 先煮好D汁攤凍,再淋上熱辣辣嘅魚上面。d 魚事先唔洗點 yip 都夠味
7- 凹凸嘅表面容易抓住D汁,好似有坑通粉好味過冇坑通粉一樣~
source: greener frog
source of photo : stock.xchng
