對好多香港人嚟講咖啡喺提神嘅「工具」，不過其實佢仲可以幫你護膚架~咖啡入面嘅咖啡因可以減輕皮膚紅腫同炎症，減少黑眼圈同去橘皮組織。經常用可以均勻膚色，保持皮膚光滑。
減少炎症
咖啡因具有強有力嘅抗發炎特性，可以減少皮膚發炎紅腫。 1981年漢城國立大學嘅研究員發現，咖啡因可以好似阿士匹靈咁減輕炎症 ; 1978年美國田納西州大學研究員就發現將咖啡因加入消炎藥膏可以顯著提高佢嘅效果。用含咖啡因嘅護膚產品可以減少同防止發炎紅腫。
幫助擺脫下黑眼圈
下黑眼圈嘅成因可以好多，包括脫水，過敏，缺乏睡眠或遺傳。雖然咖啡因唔可以完全清除遺傳性黑眼圈，不過將咖啡因搽喺眼睛下可以減少黑眼圈、浮腫同炎症。另外，咖啡因降低積聚喺眼睛血液，咁樣有助於減少黑眼圈。
擺脫脂肪團
聖保羅大學2008年嘅研究中，發現含咖啡因嘅護膚霜可以令脂肪細胞縮細17％，2007年里約熱內盧聯邦大學研究發現，用有咖啡因嘅護膚霜嘅受訪者臀部直徑減少近70％。你可以將磨好嘅咖啡或即溶咖啡加入用緊嘅沖涼液 / 護膚品就可以用到咖啡因嘅好處。
DIY 咖啡面膜
1 - 可可咖啡面膜
1/2 cup cream / 乳酪 / 牛奶 + 5 Tbsp 咖啡 + 4 Tbsp 新鮮可可脂 + 1/2 tsp 凍水 > mix 到光滑為止。
先用溫水洗面，然後搽落塊面上， keep 25-30 mins。再用溫水沖洗。
2 - 咖啡磨砂面膜 & body rub
4 Tbsp 咖啡 / 可可 + 8 Tbsp 牛奶 + 2 Tbsp 蜂蜜 > mix 到光滑為止。
先用溫水洗面然後抹乾，用一小勺喺面上打圈按摩約2分鐘，然後留喺在皮膚上約10-15分鐘。再沖洗，可以去角質同保濕。
source : LIVESTRONG.COM , Arial V Makeup , ChickAdvisor
source of photo : stock.xchng
