如果你正要由雜食轉做素食可能你會覺得有D力不從心,不過呢度有一個簡單嘅方法可能可以幫到你。轉為素食者除咗對健康有好處外,你仲會發現好多新奇嘅方式去探索新食物。素食可以簡單如蒜片意粉又可以好大眾化就好似薯仔湯、粟米粥同燒烤蘑菇咁。
對大多數人嚟講無論喺素食者或肉食者，只要用D方法，轉為素食比你想像嘅更容易，您可以用3 個簡單步驟同9個素食晚餐食譜幫你。而早餐同 lunch 都唔會太難(如果你打算食蛋同乳制品嘅話)，嘗試用水果鬆餅，法國吐司，或穀物鬆餅為早餐 ; 三明治，如鷹嘴豆或白豆醬加上檸檬同蒜蓉，或用晚餐嘅剩菜都可以整到好好味嘅三明治午餐。
首先，唸三個你唸起都覺得好食嘅素食。菠菜磨菇長通粉? 乾烤磨菇? 蒜蓉炒菜? 茄子意粉?
葡式雜菜煲? 洋蔥炒蛋? 蒜蓉豆鼓蒸豆腐? 蜜糖豆洋蔥炒栗米芯? 西班牙凍湯? 薯仔甘荀海苔
麵鼓湯? 紫菜豆腐湯? 雜菜批? 法式烤洋蔥湯? 鮮茄南瓜濃湯? 芒果椰汁黑糯米飯?芋頭魚? 街頭碗仔翅? 素餃? etc...
第二，唸三個你唸起都覺得好食嘅有肉嘅食譜,然後用豆類或菌類代替D肉。 e.g. 茹香茄子可以用豆或豆腐代替肉碎, 用豆瓣醬煮或轉用素蠔汁已經喺兩個完全唔同嘅餸。再進一步, 如果轉用茄汁鹽糖黑椒碎百里香加洋蔥就變成西式 ; 辣椒青檸汁少少鼓油糖加炸蒜蓉或花生碎就變成東南亞style ; 用麵鼓醬炒就有東洋味 ; 加 D 洋蔥用 masala 加黃薑粉鹽糖同 plan yogurt 就會食到香而不辣嘅"印度菜" ; 就咁蒸熟攤凍加D芝麻沙津醬喺簡單和風沙津 ; 用青瓜絲 olive oil plan yogurt 黑椒碎做 dressing 甚至食之前加 D goat cheese / 水牛芝士就喺疑似 Greek salad ...... 用一樣嘅材料只喺轉個汁同加一樣配料就可以變成 8 個唔同味嘅素食,幾容易?! 上網 search 下,又或者發揮下你嘅小宇宙,唔好話一變 8 , 一變100 都難你唔到。
作為講求簡單快捷嘅香港人,甚中一個方便嘅方法喺直接將中式老火湯入面嘅肉剔除∕轉用黃豆代替 , 想甜D可以落兩粒紅棗/蜜棗,湯料又可以造餸又有有湯飲, 低脂又健康仲喺素嘅 tim !
第三，每星期找三個容易又好味嘅素食食譜。就咁樣，你可以好輕易咁有9個素食晚餐。
source: vegetarian times , greener frog
