提高洗碗碟效率第一步唔喺選擇洗潔精

水喺有限嘅珍貴資源，經歷過旱災嘅人會知道點樣用水最有效率，尤其喺清潔方面。用少少水比浪費水去洗碗碟亦更快更環保。要洗碗碟有效率第一步唔喺注意洗嘅方法同洗潔精，而喺餐具 / 用具嘅選擇同佢哋嘅使用方法~

1. 第一步 : 餐具 / 用具選擇

盡量唔好選擇膠嘅餐具，一旦膠料占上油就好難洗。包括 silicon 嘅用具都喺，雖然話就話 silicon 嘅 products 如果正確使用用一世都唔會爛，不過，信我，你唔會想用一世，因為佢哋難洗之餘洗完之後無論你點抹乾佢都會有一點點水跡而且就算件 product 做咗防塵處理都喺極 chi 塵 ! 而更重要嘅喺 : 一旦被棄置 siliscon，比一般嘅膠更難化，甚至喺…唔化。

2. 第二步 : 用具嘅使用方法

易潔 wok 嘅出現喺為咗易潔大部份原理喺加一層塗層令煮食時唔 chi wok , 不過就喺因為個塗層 , 易潔 wok 有油會難D洗。所以用易潔 wok 就唔好落咁多油甚至試下免油煮食 , 如果快無油會唔好食可以試下上碟後襯熱淋 D olive oil , 咁樣對健康都好 D o架 !

至於 non-易潔 wok 就記住個wok 夠熱先落油 , D 油要充分塗滿 wok 表面 , 油熱先落材料咁就無咁易 chi wok 啦~ 

3. 對付厚厚嘅油跡 

將油膩嘅鍋同碗碟同無乜油嘅分開，有油o個D放埋一邊用熱水浸，同時你可以用少少白醋 / 加 D D 清潔精一齊浸。洗完無咁油o個D先對付佢哋!

或

好似洗廚房抽氣扇咁，直接灑 D 梳打粉喺"乾”嘅 wok面打圈 (用手)，梳打粉會吸走 D 油變成一塊塊，同時有省 wok 效果! 之後當普通碗碟洗。

4. 對付 chi wok

喺 wok 裏加入梳打粉溶液( 大約每 4 湯碗水 + 2 Tbsp 梳打粉 ) 開火煮滾，熄火冷卻後 D 硬塊會自動甩出嚟。注意 : 唔好同時加醋

如果都喺唔得 , 將梳打粉直接灑“乾”嘅 wok 面 , 喺有需要嘅位置打圈。呢個方法可同時去油。

5. 對付焗爐
放一湯碗梳打粉溶液( 大約每碗水 + 1/2 Tbsp 梳打粉 )開著個爐直至開始有水蒸汽，關閉，冷卻再抹。

6. 如果 sink 盤唔乾淨先用有清潔液嘅海棉/百潔布抹 , 可以嘅話未洗嘅嘅唔好放入 sink 盤


7. 所有有清潔液嘅碗碟都放入 sink 盤之後先開暖水一次過沖洗乾淨。

8. 洗完碗碟先抹爐頭,最後洗 sink 盤。

DONE !

source: tipsonhealthyliving