簡單講 : 洗頭水同其他清潔用品一樣 , 包含不必要 & 有毒嘅化學物質 , 用佢哋 , 弊多於利。皮膚喺你身體最大嘅器官 , 有好多研究已證明無論你皮膚上有D咩都會被吸收到身體內 , 進入血、器官 , 無論有無毒。
我都知呢個世界有medical嘅機構,佢哋會監察呢D成份嘅含量保持喺一個「安全」嘅水平 (即喺依家唔死得 , 但唔包你 keep 住用廿年會乜事都冇)。但如果我哋日常用嘅食嘅飲嘅o野十有八九由呢D致命嘅十幾廿種化學品構成,邊個可以保證我哋每個人對某種化學品嘅吸入/吸收量喺安全? 如果o個D唔知喺咩名嘅毒物換轉喺山埃、水銀 etc..... 即使專家話每件產品嘅山埃&水銀含量都喺安全o架~ 應該十個人有九個都唔會試。但我哋依家同食山埃吸水銀有咩分別。
了解洗頭水
一個美國國家衛生研究院嘅研究員發表咗一篇文章，發現有D洗頭水含有損害神經嘅有毒成份MIT (又名“methylisothiazoline) , 有D牌子香港都有 e.g. 潘 X ( pantXXX)、ClairXX、Head & XXXXXXXXX 啦......重複使用呢種化學物質可以造成很大嘅神經損傷、癌症同肝臟疾病（來源：http://healthnews.benabraham.com/html/your_shampoo_has_bad_toxins.html）。
“科學日報”嘅另一個研究調查成分“DEA”（二乙醇胺），指出佢喺潛嘅致癌物質，而且令用咗呢D洗頭水嘅實驗鼠媽媽生出天生有記憶功能缺陷嘅老鼠仔。(即喺大肚婆會生蠢B) , 除咗通過子宮,BB仲可以透過母乳吸收。( http://healthnews.benabraham.com/html/your_shampoo_has_bad_toxins.html )
酒精，異丙醇（SD - 40）乾燥 & 刺激性脫水溶劑，會抽乾皮膚水分 , 損害天然免疫屏障，令你更容易受到細菌，黴菌同病毒感染。佢喺由丙烯，石油衍生，好多護膚品 , 化妝品 , 頭髮產品 , 香水 , 抗菌洗手液同防凍劑都有。佢同時可以加快其他有害化學物質滲透到你嘅皮膚。佢可以促進褐色斑點及皮膚過早老化。同時可導致頭痛，潮紅，頭暈，精神抑鬱，噁心，嘔吐，昏迷，麻醉和昏迷。致命的攝入量只喺 1 oz / 更少。FD＆C色素煤焦油人工色素，含有重金屬鹽，會將毒素存喺皮膚上，引起皮膚敏感。動物研究表明幾乎所有動物都有致癌情況。
礦物油喺石油副產品，好似層膠咁包住皮膚，堵塞毛孔。干擾皮膚排除毒素能力，促進痤瘡&其他疾病。
丙二醇(PG) & 丁二醇 , 石油塑料 , 作為表面活性劑（潤濕劑和溶劑）。極易滲入皮膚，削弱蛋白質 & 細胞結構。PG嘅強度喺強到足以消除船隻身上嘅藤壺！
十二烷基硫酸鈉（SLS）和月桂醇聚醚硫酸鈉（SLES），洗滌劑同表面活性劑，可能造成嚴重的健康威脅。佢哋用於洗車，車庫地板清潔劑，引擎除油劑 ，90％的個人護理產品，同有
泡沫嘅產品。動物暴露於 SLS 會損害眼睛，抑鬱症，呼吸困難，腹瀉，嚴重嘅皮膚刺激，甚至死亡。
唔用洗頭水點洗頭?
你可以參巧:
廚房裏嘅天然洗頭水替代品
無患子 : 古代清潔劑
source: nature moms , natural family online.com
source of photo: stock.xchng
